Transcription
1
Monsieur, jay esté voyr un jour ma compagnie à Pierrelate, scachant
2
qu’il treuvoyent la venue du tresorier assés longue, duquel
3
il n’y a point de nouvelles et où jay treuvé que ses pouvres gens
4
de Pierrelate font plus qu’il ne peuvent et que les aydez qu’il
5
hont pour leur fournyr vivres ne leur veullent contribuer sans
6
estre contrainctz et si leur sont pourté ung jour, ilz en demeurent
7
dix sans leur pourter chose du monde n’aiant neul acort ensemble,
8
qu’est cause il m’ont prié le vous faire entendre et que
9
je vous ay despeché le sieur de Gessant avec que ung des leurs
10
pour vous rendre conte plus particullièrement vous asseurent quil
11
lya de la pitié de tous coustés et attandent ce que il vous
12
plaira en ordonner. Je me recommenderey bien heumblement à votre
13
bonne grace, prient Dieu vous donner
14
Monsieur bonne santé, heureuse et longue vie. De Suze, ce 2me
15
Septembre 1571
16
Jey reseu vous lettres, et quand au duc de Candie qua laissé 40 mil
17
escus de dete pour se fère jesuitte, je croys que cest quyl cuyde
18
venyr à estre pappe ung jour et si les a leisser à ses anfans.
19
Quand aus bulles de Viviés données grattis, je nen vois pour
20
ancores pas grand asseuranse. Bien me promettent ilz que
21
je les arey si ia jà douze cens escus davence pour les
22
neguotiesio[n]s ; nous verons quil en sera ; cepandant je vous demeure
23
votre plus affectionné
24
et obeissant
25
Suze